Tirana mori një fitore të rëndësishme ndaj Laçit 2-0, në ndeshjen e vlefshme për Superioren. Lojtari i bardhebluve, Ennur Totre foli për mediet, menjëherë pas takimit. Në fjalën e tij, Totre u shpreh i lumtur jo vetëm për paraqitjen e tij në fushë, por edhe për 3 pikët. Gjithashtu, sa i përket rivalëve, lojtari përmendi emrin e Vllaznisë.
"Ekipi mori 3 pikët, ndaj kjo ka rëndësi. Shpresoj të vazhdojmë me këto paraqitje të mira. Kemi pasur nevojë për t'u përshtatur me njëri tjetrin. Kur ke lojtarë si Ngo dhe Seferi, është e lehtë të luash me ta.
Objektivat dihen, pasi Tirana luan për titullin. Ne i marrim ndeshjet një nga një. Nëse vazhdojmë me këtë lojë, nuk premtoj titullin kampion, por mund të arrijmë diku. Ne kemi analizuar të gjithë ekipet që kemi luajtur. Vllaznia më pëlqen, pasi ka ekip kualitativ. Mendoj se Vllaznia është para. Tirana ka trofe më shumë nga të gjithë. Çdo vit luan për kampion. Këtu ka atmosferë perfekte. Të gjithë jemi si një familje" - tha ai.
Lexo gjithashtu
