Agustin Torasa tashmë ka pohuar se është mjaft i përgatitur dhe është rikthyer në një gjëndje mjaft të mirë.
Në një prononcim për Supersport, Torasa ka folur për situatën te Partizani dhe dëshirat që ka përë këtë sezon.
"Jam mjaft i kënaqur fillimisht për fitoren në derbi, por pas kësaj ne duhet patjetër të marrim 3 pikë shumë të rëndësishme ne transfertë kundër Kukësit.
Duhet të besojmë në aftësitë tona pasi kjo ndeshje ka rëndësi të madhe për vazhdimësinë e Partizanit. Psikologjikisht jemi shumë mirë, kjo pasi vijmë nga një fitore me vlera ndaj Tiranës. Kukësi është një skuadër shumë e fortë ndaj ne do mundohemi të marrim maksimumin nga ky takim.
Duke qënë se ky takim po diskutohet shumë edhe për çështjen e arbitrimit, e vetmja gjë që presim është që të mos ndodhin gjëra të çuditshme në fushë, ashtu siç kemi parë në disa takime. Duhet të zhvillohet një ndeshje dhe gjykim i ndershëm që të fitojë më i mir", ka përfunduar mesfushori Agustin Torasa.
Lexo gjithashtu
