Zv.Kryeministri i Shqipërisë, Erion Braçe në një intervistë për "Jashtë Loje", përveç jetës personale ka folur edhe për futbollin. Braçe njihet si një tifoz i thekur i Partizanit në Shqipëri dhe i Juventusit në Serie A. Në intervistën e tij, ai u shpreh se i është mirënjohës Gaz Demit për punën që po bën me Partizanin ashtu si çdo tifoz i skuadrës kryeqytetase. Në fund, Braçe zgjodhi Dajën para Gegës si trajnerin që bën një mënyrë loje dhe e bën të gjithë skuadrën bashkë.
"Unë si tifoz i Partizanit dhe besoj se çdo kush tjetër që është tifoz me Partizanin i është mirënjohës Gaz Demit dhe familjes së tij për atë që janë duke bërë për këtë skuadër, por edhe për vizionin që kanë për Partizanin.
Edhe me Gegën, por më shumë me Dajën, Partizani ka një mënyrë loje. Në momentin që ka një mënyrë loje që i bën bashkë, atëherë ti ke krijuar një grup, ke krijuar një ekip që e ka gjithësecilin brenda në funksion të së tërës dhe Ilir Daja i bën të gjithë bashkë me topin edhe pa topin", u shpreh ndër të tjera Braçe.
Lexo gjithashtu
