Tirana ka rinisur përgatitjet për sezonin e ri futbollistik. Pas dështimit në Kupat e Europës, kampionët e Shqipërisë kanë filluar intensivisht punën për të qenë gati për edicionin që starton në datën 20 gusht. Dje, lojtarët janë vënë nën urdhrat e trajnerit Orges Shehi ku kanë marrë ngarkesën e nevojshme.
Në sy ka rënë mungesa e sulmuesit Taulant Seferi. Ky i fundit praktikisht është i larguar, megjithatë në ditët në vijim do t’i bashkohet edhe disa ditë skuadrës për t’i dhënë fund më pas zyrtarisht me kampionët e Shqipërisë. Ende nuk dihet destinacioni i ri i Seferit, por fakt është se kryeqytetasit do të mbushin arkën me shitjen e tij.
