Bardheblutë kanë nisur sot stërvitjen duke menduar Europën. Klubi bardheblu ka treguar detaje nga axhenda përgatitore dhe listën e futbollistëve që kanë qenë sot në urdhrat e stafit teknik.
“Tirana ka nisur sot zyrtarisht punën për sezonin e ri. Bardheblutë kanë zhvilluar seancën e parë stërvitore ne palestrën “Performancë Gym” për të vijuar pasdite me një tjetër seancë përgatitore. Fillimisht trajneri Ilir Daja së bashku me Emanuel Egbon kanë takuar skuadrën për të nisur më pas punën. Në ditën e parë me bardheblutë kanë qenë të pranishëm 18 futbollistë, ndërkohë që në ditët ne vazhdim skuadra do të kompletohet me afrime të tjera. Pasdite bardheblutë do të zhvillojnë një seancë atletike tek Kodrat e Liqenit ndërkohë që në ditët në vazhdim janë programuar të luhen edhe disa takime miqësore, axhenda zyrtare e të cilave nuk është përcaktuar ende. Nesër bardheblutë do të zhvillojnë kontrollet mjekësore në “Spitalin Amerikan” për të vijuar përgatitjet pasdite me itensitet të lartë”, shkruhej në njoftimin e klubit bardheblu.
Lista e lojtarëve që kanë nisur sot përgatitjet
- Edvan Bakaj
- Marsel Caka
- Ditmar Shehri
- Ronald Gerxhaliu
- Marlind Nuriu
- Gentjan Muca
- Fjoralb Deliaj
- Erjon Hoxhallari
- Dorian Kerciku
- Erando Karabeci
- Olsi Teqja
- Gilman Lika
- Grent Halili
- Erjon Vucaj
- Enriko Papa
- Gjergji Muzaka
- Majkell Peci
- Endrit Idrizaj
