Tirana në dilemë, bardheblutë marrin lajmin e shumëpritur

Në momentin më kritik të Tiranës vjen dhe lajmi që do i qetëson tifozët bardheblu. Sulmuesi kryesor i ekipit Michael Ngoo është gati të prekë fushën pas 5 muajsh vuajtje për të rikuperuar gjurin e dëmtuar në muajin prill. Shtatlarti anglez mendohet se do të jetë gati për sfidën e nesërme ndaj Ilirisë e vlefshme për raundin e parë të Kupës së Shqipërisë. Ai u paralajmërua se do të ishte gati në muajin tetor, por 25-vjeçari ka shtrënguar dhëmbët për t’i ardhur në ndihmë Tiranës në momentin që ka më shumë nevojë.