Trajneri i Tiranës, Orges Shehi foli për mediet vendase përpara ndeshjes me Besiktasin në turin e dytë të Conference League, të enjten në orën 20:00 në Stamboll.
Gjendja e skuadrës?
Gjendja është shumë normale. Edhe Kaina është rikthyer pasi kaloi gjendjen gripale, por nuk është në 100% e vet. Grupi është i plotë në çdo aspekt. Ka optimizëm sepse kaluam një transfertë të vështirë. Duke bërë llogaritë kemi një tjetër transfertë akoma më të vështirë të enjten në Stamboll.
Kualifikimi?
Do them të vërtetën, në futboll është vërtetuar që nuk fiton gjithmon më i miri. Do të luajmë përballë një ekipi shumë të fortë, e dimë që shanset i kanë ata, por në futboll çdo të gjithë i kanë shnaset e tyre, edhe ekipet e vogla.Duhet të shfaqim personalitetin tonë.
Sa e njeh Shehi Besiktasin?
Nuk kanë zhvilluar ndeshje zyrtare, por vetëm 2 miqësore. Me aq mundësi i kemi analizuar dhe parë me kujdes. Kemi një informacion për lojtarët dhe titullarët. Kanë marrë disa lojtarë të rinj dhe nuk besoj se do të jenë në fushë. I njohim, por fusha është tjetër gjë. Nuk kemi informacion të plotë pasi nuk kanë bërë ndeshje zyrtare.
Kualifikimi varet nga ndeshja e parë?
Janë 2 takime dhe kualifikimi vendoset në të dytën.Do mundohemi të përmirësohemi edhe pse kemi bërë një neshje shumë të mirë ndaj Dinamo Batumit. Si moduli, edhe vendosja në lojë ndryshojnë. Rëndësi ka kualiteti dhe Besiktasi e ka këtë më shumë se Batumi. Rrjedha logjike e lojës është ndryshe. Do të shohim pas takimit të parë por e dimë që kemi një kundërshtar të fortë.
Ke luajtur 2 herë kundër Besiktasit…
Kam qenë pjesë e Skënderbeut në Kupat e Europës. Luanim në grupet e Europa League. Kundërshtari ka patur gjithmonë cilësi, lojtarë të nivelit të lartë. Klub me histori dhe buxhet. Atëherë isha lojtar ndërsa tani trajner. Është e bukur të përplasesh me kudnërshtar të tillë pasi na rrit më shumë.
E ka bërë Tirana punën e saj me kualifkimin ndaj Batumit?
Tirana është skuadra më fatkeqe përsa i përket shortit. Ekipet e tjera e kanë patur të lehtë. Si Besiktas edhe Batumi janë të fortë, turqit akoma më shumë. Jemi pjesë e një skuadre që është dënuar të bëjë maksimumin. Në dy ndeshje kemi ndryshuar dy lojtarë, por kjo nuk është domethënëse pasi në fushë luajnë 11 vetë. Po të kisha mundësi do aktivizoja 16 lojtarë. Pak rëndësi ka kush fillon por duhet dëshira për të treguar veten.
Lexo gjithashtu
