Elbasani është një prej ekipeve pretendente për të siguruar ngjitjen në Superiore për sezonin e ardhshëm. Për këtë verdheblutë kanë bërë merkato cilësorë në mënyrë që të arrihet objektivi i vendosur.
Skuadra e Nevil Dedes, përveç Ardit Hilës te Tirana kërkoi edhe dy lojtarë të tjerë. Bëhet fjalë për Leon Kozin dhe Bruno Lulaj. Por kryeqytetasit kanë bllokuar të dy lojtarët dhe nuk kanë lejuar largimin e tyre pavarësisht ofertës dhe këmbënguljes së skuadrës nga Kategoria e Parë.
Arsyeja e fortë është se Tirana e ka merkaton e bllokuar dhe nuk mund të bëjë federime gjatë kësaj periudhe për shkak të disa futbollistëve që kanë fituar gjyqin me bardheblutë për mos shlyerjen e detyrimeve. Në këtë mënyrë drejtuesit kanë vendosur të mos lejojnë më largim e lojtarëve dhe tashmë Lulaj dhe Kozi, të paktën deri në fund të këtij sezonit do të vazhdojnë të luajnë për llogaritë e bardhebluve.
Lexo gjithashtu
