Tirana e këtij sezoni është shumë larg pritshmërive. Bardheblutë janë një prej ekipeve prentendente për titullin, por deri më tani janë shumë larg këtij objektivi. Aktualisht mbajnë vendin e 3-të në klaisifikim me 21 pikë pas 14 javësh.
Ndërkohë përpara i pret derbi ndaj Partizanit që do të luhet më 3 dhjetor në “Air Albania”. Në këtë sfidë djemtë e Julian Ahmataj do të tentojnë fitoren për të shëruar “plagët” dhe për të përmirësuar statistikat.
Bardheblutë këtë sezon kanë 4 pikë më pak se skuadra e vjetshme që drejtohej nga Orges Shehi. Gjithashtu kanë edhe dy humbje më shumë. Në sezonin e kaluar pas 14 javësh, kryeqytetasit grumbulluan 25 pikë, teksa shënuan 23 gola dhe kanë pësuar vetëm 9 të tillë.
Këtë sezon kanë shënuan 21 gola dhe kanë pësuar 20. Kjo tregon se mbrojtja është “thembra e Akilit” dhe Ahmataj duhet të ndryshojë diçka para derbit me demat, ku fitorja vlen për moral dhe krenarinë e skuadrës.
Lexo gjithashtu
