Tirana do të luajë edhe dy finale të mbetura, teksa titulli kampion mund të vendoset që të enjten në sfidën me Bylisin. Nëse bardheblutë triumfojnë ndaj ballshit dhe Partizani humb apo ndalet në barazim me Kastriotin, atëherë për të dytin vit radhaz titullit do të qëndronte në kryeqytet.
Por përpara se të arrijmë te dueli i javës së 35-të i hedhim një sy edhe gjendjes aktuale të kryeqytetasve. Orges Shehi ka gjetur edhe “heroin e heshtur” të titullit. Ardit Hila mund ta kosiderojmë si lojtarin “hero” të bardhebluve, teksa golat e tij kanë pasur edhe vlerën e 3 pikëve.
4 gola ka shënuar në këtë kampionat ish-mesfushori i Partizanit në 26 ndeshje, ku 13 prej të cilave i ka nisur titullarë. Hila ka mundur të gjejë rrugën e rrjetës ndaj Kukësit në fitoren 2-1, ndaj Kastriotit në triumfin 1-0 dhe dje me dopietë ndaj Laçit. Në kryeqytet nuk harrohet fitorja ndaj krutanëve ku pikërisht goli i tij i dha fitoren bardhebluve. Në të 3-ja ndeshjet që Hila ka shënuar skuadra e tij ka grumbulluar 9 pikë.
Një lojtar që mund ta konsiderojmë si një “hajmali” për formacionin e Shehit, i cili shpreson që të shënojë në dy ndeshjet e mbetura që skuadra e tij të mund të shpallet edhe kampione.
Lexo gjithashtu
