FT' Tirana-Kamza 0-1
Shënues: Plaku 90'
Është mbyllur me një surprizë ndeshja mes Tiranës dhe Kamzës, me miqtë që kanë triumfuar me rezultatin 0-1. Goli u shënua nga Sebino Plaku në fundin e takimit, duke shtangur në këtë mënyrë bardheblutë që e nisin me humbje rikthimin e tyre në Superligë.
Takimi u dominua në përgjithësi nga Tirana që pati disa raste të pastra për gol por pa arritur të shënojë, ndërkohë që Kamza gjeti momentin e duhur për të goditur në fundin e ndeshjes për të marr dhe tre pikët.
Formacionet zyrtare:
Tirana: Abibi, Hoxhallari, Turtulli, Atingah, Doka, Karabeci, Daja, Maveje, Cobbina, Sentamu, Greca
Trajner: Ze Maria
Kamza: Avdyli, Frashëri, Teqja, Beqiri, Idrizaj, Arrabal, Malaj, Mumajesi, Zisi, Plaku, Roloviç.
Trajner: Bledar Devolli
Komenti minutë pas minute:
90'+5'- Mbyllet gjithçka me fitoren e Kamzës në "Selman Stermasi".
90'- Nodh e papritura në "Selman Stermasi", Plaku ndëshkon Tiranën në fund.
85'- Vertikalizim i rrezikshëm për Plakun, por del në mënyrë të saktë portieri i Tiranës.
82'- Sërish karton i verdhë për Kamzën, ndëshkohet Avdyli.
80'- Zëvendësim te Tirana. Del Doka, në fushë Kërçiku.
76'- Goditje dënimi në pozicion të favorshëm për Tiranën. Tjetër karton i verdhë për Kamzën.
70'- Pranë golit përsëri Tirana, harkim i gjatë në zonë nga Karabeci por pret portieri i Kamzës.
66'- Sërish pranë golit Tirana me anë të Sentamu, por gjuajtja pritet nga portieri i Kamzës.
62'- Blazhevski tenton portën për Tiranën por goditja është qendrore.
60'- Goditje dënimi për Tiranën. Tjetër karton i verdhë për Kamzën. Ndëshkohet Olsi Teqja.
55'- Rast i rrezikshëm për Kamzën, por goditja në fund është mbi kuadrat.
45'- Nis nga lojtarët e Tiranës pjesa e dytë e takimit. Zëvendësim te Kamza, del Zisi në lojë Mehmeti.
45'+1'- Mbyllet pjesa e parë e sfidës me rezultatin e bardhë.
45'- Pranë golit Tirana, rrëmujë në zonën e Kamzes pas harkimit të Karabecit. Gjuajtje nga jashtë zone që pas devijimit përfundon në shtyllë.
43'- Harkim në zonë nga Karabeci por goditja me kokë përfundon mbi kuadrat.
41'- Goditje dënimi për Tiranën në afërsi të këndit, karton i verdhë për Frashërin të Kamzës.
37'- Kamza mundohet të kundëpërgjigjet me anë të Zisit por goditja përfundon jashtë.
35'- Tirana merr në dorë frenat e lojës por mungon konkretizimi.
30'- Sërish e rrezikshme Tirana por arbitri akordon pozicion jashtë loje për Karabecin.
26'- Pranë golit Tirana me topin që "ngec" në zonë, largon në moment të fundit portieri i Kamzës.
19'- Sfida vijon të jetë e ekuilibruar dhe pa raste të rrezikshme nga të dyja skuadrat.
13'- Harkim i rrezikshëm në zonë për Kamzën nga Plaku por grushton portieri i Tiranës.
[gallery columns="1" size="full" ids="269377"]
10'- Dyndje e tifozerisë bardheblu në stadium.
6'- Ndeshje e ekuilibruar, të dyja skuadrat luftojnë fort në mesfushë.
1'- Topi i parë shkelmohet nga lojtarët e Kamzës.
Lexo gjithashtu
