Ish-kapiteni i Tiranës, Gentian Muça ka treguar se me grupin që Tirana kishte vjet, ky sezon do ishte mbyllur për ta qysh në janar me titullin kampion. Në Procesi Sportiv, lojtari i Prishtinës ka theskuar se asnjëherë më parë bardheblutë nuk kanë pasur kaq lojtarë në Kombëtare, teksa peshën kryesore e vendos te prishja e grupit, ndërsa nuk i sheh fitues në fundin e sezonit.
“Kishte vitin e kaluar lojtarë që tërhiqnin skuadrat, fatkeqësisht këtë vit nuk ka. Ndaj kështu do të vazhdojë deri në fund. Kampionati do të ndahet me gjysmë pike, jo me një pikë.
Ndryshe nga edicionet e tjera, Tirana ka 6 lojtarë të kombëtareve të ndryshme. Janë dy të Maqedonisë, është Bekaj, janë edhe Seferi, Hoxhallari e Ismajlgeci. Nuk besoj se ka pasur Tirana kaq shumë lojtarë kombëtaresh prej shumë viteve. Por nuk kanë arritur pritshmërinë, edhe pse investimi është bërë.
E kam theksuar se ndryshimi i grupit sjell pasojat dhe për këtë shkak janë ku janë. Se po të kishin ruajtur grupin, do ta kishin fituar kampionatin në janar. Janë rikthyer në garë.
Nga lojtarët e vjetshëm, përveç Bathës, Hoxhallarit e Ismajlgecit, të tjerët janë në rënie. Për momentin janë të favorizuar por fatkeqësisht nuk i shoh të dalin kampionë në fund. Uroj me shpirt që Tirana të fitojë, por nuk bind në këto momente”, tha Muça.
Loading ...
