Teuta do të presë ditën e sotme Vllazninë në Niko Dovana në orën 16:00 për të zhvilluar ndeshjen e javës së 24-t të Abissnet Superiore. Durrsakët janë ekipi me formën më të mirë në javët e fundit të kampionatit dhe nuk kanë ndërmend ta ndalin hapin as me Vllazninë ku do të kërkojnë një tjetër rezultat pozitiv për të “larë duart” me fundin e renditjes.
Fitorja do i dërgonte në vendin e pestë, pikërisht 1 pikë pas shkodranëve në pozitën e fundit që të çon në kupat e Europës. Trajneri Martini bëri përgatitjet e fundit pasditen e djeshme por dy lojtarët, Jurgen Goxha dhe Ildi Gruda pritet të mungojnë. Mbrojtësi është i dëmtuar ndërsa lojtari më i shpejtë në Shqipëri, sipas Martinit, ka kaluar një gjendje gripale dhe është në dyshim.
Formacioni i mundshëm:
Teuta (4-2-3-1): Qirko; Marku, Jazxhi, Kotobelli, Kouros; Beqja, Karabeci; E. Vila, Kallaku, L. Vila; Daci.
Trajner: Edi Martini
Lexo gjithashtu
