Lorenco Vila mund të jetë mungesa e madhe e skuadrës së Teutës në ndeshjen e 22 korrikut ku do të përballen me skuadrën e Inter Club D’escalades, e vlefshme për turin e dytë të Conference League. Sulmuesi i talentuar pësoi një dëmtim të rëndë në takimin e kthimit kundër Sherif Tiraspolit, përfunduar me shifrat 1-0 në favor të moldavëve.
Ai u detyrua të diltë nga fusha në minutën e 38-të të sfidës pas dhimbjes së madhe që ndjeu në kavilje. Ditën e djeshme, lojtari ka bërë rezonancën magnetike që do të përcaktojë shkallën e dëmtimit. Trajneri Edi Martini shpreson që gjithçka të shkojë mirë pasi dhe koha në dispozicion për stërvitje është e shkurtër.
Loading ...
