Bylis është rikthyer në fushën e blertë ku nën urdhërat e trajnerit Dovedan është kryer dhe seanca stërvitore e parë e kësaj jave. Futbollistët që luajtën sfidën ndaj Kukësit kanë marrë një ngarkesë më të ulët, ndërsa Dovedan tashmë po përgatit strategjinë anti-Partizani. Problemi më i madh në Ballsh vazhdojnë të jenë dëmtimet, të cilat duken se janë ulur këmbë kryq në ekipin e Dovedan.
Lojtarët titullar të Bylisit kanë vuajtur shpesh herë dëmtime gjatë këtij edicioni, përmendim këtu Bicaj, Turabov, Antoni apo Ymeraliaj. Me Jurgen Goxhën që është i pezulluar, problemet shtohen pasi Ndreca është dëmtuar në shpatull dhe Peposhi u dëmtua ndaj verilindorëve në ndeshjen e fundit. Ky i fundit është dhe mbrojtësi i vetëm që jep garanci në krahun e majtë të mbrojtjes, për një ndeshje si ajo ndaj Partizanit. Stafi mjekësor ende nuk e ka thënë fjalën e tij, teksa në ekip shpresojnë se Peposhi do të jetë i gatshëm për të udhëtuar me skuadrën në kryeqytet.