Presidenti i Federatës Shqiptare të Basketbollit, Avni Ponari është i ftuar në emisionin "Fair Play", në Neës 24. Gjatë emisionit, Ponari tha se sporti në Shqipëri do të ndryshonte shumë nëse do të bëheshin ndryshime në "Ligjin e Sponsorizimeve".
Ai tha se ekipet shqiptare duhet të mbajnë emrin e sponsorave.
"Sporti është i paformalizuar. Ligji i sponsorizimit do ngrej nivelin e sportit, nga amator do ta kthejë në profesionist.
Sporti dhe ekipet sportive të mbajnë emrat e sponsorizuesve, kjo është një gjë shumë e rëndësishme.
Shumica e ekipeve në rajon, nuk po them në botë, kanë emra produktesh, që ndihmojnë edhe ekipin me sponsorizim, edhe vetë produktin.
Sporti në Shqipëri funksionon me anë të lëmoshës.
Bizneseve në Shqipëri duhet t'iu rimbursohet te TVSH-ja (Tatimi i Vlerës së Shtuar), paratë që investon në sport.
Mungojnë 100 terrene sportive për basketbollin në Shqipëri, pasi janë 1 milionë banorë dhe vetëm 4-5 terrene sportive."
Lexo gjithashtu
