Isli Hidi ka zhvilluar një karrierë fantastike me Tiranën, Dinamon, Teutën dhe Bylis në Shqipëri. Gardiani 39 vjeçar ende vijon të jetë pjesë e ballshiotëve, ndërsa së funmi ka fituar gjyqin që kishte me Dinamon sa iu takon pagave.
Bëhet fjalë për sezonin 2010-2011, me ish-lojtarin e Kombëtares që kërkon një shumë afro 18 mijë euro. Kaq i detyrohet klubi dinamovit ish-lojtarit të vet, ndërsa duket se një telash i ri shtohet për kryeqytetasit që këtë sezon kërkojnë të shpëtojnë nga rënia në Kategorinë e Dytë. Hidi ka fituar të drejtën për pagat, ndërsa pritet që përmbarimi të “pushtojë” zyrat e nëndetëses.
Loading ...
