Partizani është gati për ndeshjen e kthimit në çerefinalen e Kupës së Shqipërisë ndaj Vllaznisë, takim që do të luhet ditën e sotme duke nisur që nga ora 17:00. Një sfidë mjaft e rëndësishme për demat të cilët në stadiumin “Partizani” synojnë kualifikimin në gjysmëfinalen e Kupës.
Humbja 3-1 në Shkodër iu ka vështirësuar punët, ndërsa të kuqtë me Giovanni Colellën do të tentojnë një mision të vështirë përmbysjen e rezultatit dhe kualifikimin.
Për të bërë reale diçka të tillë trajneri italian do të hedhe në fushë lojtarët më të mirë që ka në dispozicion. Në këtë mënyrë pritet të rikthejë në formacionin titullarë Tedi Carën, me skemën 3-4-3. Në këtë mënyrë ulet në stol sulmuesi Mba.
Në portë pritet të jetë Hoxha, ndërsa mbrojtja me 3. Atanaskovski-Preka-Menish, për të vazhduar 4 në mesfushë. Hadroj dhe Buxhelaj nga krahët, teksa qendra do i besohet Rrapajt dhe Muratajt. Në mbështetje të Hotit si qëndërsulmues do të jenë Selmani dhe Cara.
Formacioni i mundshëm i Partizanit ndaj Vllaznisë:
Hoxha, Atanaskovski, Preka, Menish, Hadroj, Rrapaj, Murataj, Buxhelaj, Cara, Hoti, Selmani.
Lexo gjithashtu
