Partizanit këtë sezon i kanë munguar disa elemtë të cilët nëse do ishin në fushë si titullarë do mund të kishin bërë ndryshimin e madh, të paktën kështu flitet brenda repartit të kuq. Problemi kryesor ishte ai i Edgar Çanit, i cili vetëm para pak ditësh shënoi golin e parë në kampionat ndaj Flamurtarit.
Problemi me gjurin çoi në një mungesë të gjatë të sulmuesit, i cili tashmë është kthyer dhe duket se është gati për të shijuar suksesin, pse jo dhe minutat e plota të një takimi në kampionat për të ndihmuar "Demat e Kuq" në këtë fazë delikate.
Nga ana tjetër edhe mesfushori, Bruno Telushi duke se e ka marrë veten nga ndërhyerja e fundit në gju. Vlonjati pritet që të zbresë në fushë ditën e premte për të marrë ngarkesën maksimale në stërvitje.
Problemi i vetëm për Partizanin është mbrojtësi i krahut të djathtë, Arbnor Fejzullahu i cili ka munguar gjatë këtë sezon. Mësohet se lojtari do të nisë të luajë me skuadrën e dytë për të marrë disa minuta për t'iu bashkuar më pas skuadrës së parë.
Lexo gjithashtu
