Partizani udhëheq kampionatin shqiptar me pikë të barabarta me rivalin e tyre të kryeqytetit, Tiranën me nga 44 secila, por demat kanë avantazhin e përballjeve direkte.
Por jo vetëm në kampionët edhe në merkaton e janarit të kuqtë ishin superior ndaj ekipeve të tjera. Shitja e Xhuliano Skukës dhe Eneo Bitrit “mbushi” arkat e kryeqytetasve, ku gjeneruan plot 1.6 milionë euro.
Por nuk mbaron me kaq, pasi falë lojtarëve që kanë aaktualisht në organikë, të tjera të ardhura pritet të derdhen. Janë plot 4 yjet e skuadrës që në fund të sezonit pritet të shiten nga demat.
Andi Hadroj që u ftua edhe nga Sylvinho për ndeshjet kualifikuese te Euro 2024 është i pari në listë që është gati për hapin e madh në karrierë gjatë merkatos së verës. 24-vjeçari është kthyer në një pikë kyçe në difensivën e Partizanit, teksa kontrakta aktuale i përfundon në verën e 2024.
Arinaldo Rrapaj prej dy sezonesh mban veshur fanelën e kuqe dhe është kthyer të jetë vendimtar në formacionin e Giovanni Colellës. Në janar ishte shumë afër kalimit te Ludogorets, por detaje të vogla e penguan të bënte këtë transferim, por asgjë për t’u shqetësuar vera është afër dhe 21-vjeçari mund të transferohet përsëri diku tjetër. Ka një kaluzolë largimi prej 250 mijë euro.
Edhe Tedi Cara është në këtë listë. Kavajasi në ndeshjet e fundit ka treguar se ka gjithë potencialin e duhur për të provuar një eksperiencë të re dhe merkatoja e verës pritet të jetë e rëndësishme për të.
I fundit por jo nga rëndësia është Massanga Matondo. Demat do ta kenë shumë të vështirë të mbajnë kongolezin në ekip në merkaton e verës, pasi skuadra të huaja pritet të kenë interes për shërbimet e tij. Një mesfushor më i miri në Shqipëri në pozicionin e tij dhe një largim në verë do të bënte që Partizani të gjeneronte të ardhura.
Lexo gjithashtu
