Kukësi është një nga skuadrat që bëri një merkato të vrullshme duke afruar shumë lojtarë në organikën verilindore. Fillimisht ishte trajneri Peter Pacult ai që kërkoi futbollistë cilësorë, por pas rezultateve negative në Kupat e Europës, vendin e tij e zuri Armando Cungu. Me trajnerin shkodran atmosfera ndryshoi, megjithatë u krijua një çështje e re siç është mesfushori Donjet Shkodra.
Cilësitë e Shkodrës në fushën e blertë janë të padiskutueshme, megjithatë tekniku Cungu duket se nuk e ka në planet e tij. Së fundmi situata është në favor të mesfushorit pasi drejtuesit kanë vendosur që ai të qëndrojë. Edhe pse këtë javë Superiorja është pushim, te verilindorët kanë zgjedhur të heshtin.
Newsport.al kontaktoi disa prej futbollistëve, po askush prej tyre nuk pranoi të fliste duke iu druajtur ndonjë gjobë të mundshme nga ana e drejtuesve verilindorë. Mesa duket te Kukësi e kanë shumë seriozisht dhe kush hap "gojën" për mediet, duhet të shkojë vetë për të firmosur fletën e gjobës...
Lexo gjithashtu
