Starti i edicionit të ri futbollistik në Shqipëri do të jetë më 6 shtator me Superkupën e Shqipërisë mes Tiranës dhe Kukësit.
Por, absurdi qëndron në faktin se më datë 4 shtator luajnë Shpresat e Shqipërisë në transfertë kundër Islandës.
Më datë 5 shtator luan Kombëtarja e madhe. Afërsia e datave mes këtyre ndeshjeve krijon konfuzion, sepse mund të ndodhë që trajneri Panuçi të ketë në plane të thërrasë në Kombëtare ndonjë prej lojtarëve të Tiranës dhe Kukësit që luajnë më datë 6 shtator. Rasti konkret mund të jetë Albi Alla, i cili ishte pjesë e Kombëtares në ndeshjet e fundit.
Gjithashtu, edhe te Shpresat ka futbollistë të Tiranës që trajneri Bushi i ka ftuar si Albi Doka, por nuk mund të përjashtohet edhe Halili dhe Nuri apo edhe ndonjë tjetër.
Lexo gjithashtu
