Egnatia nuk ia doli të merrte pikë përballë Tiranës teksa u mposht 2-1 dhe mbetet në vendin e tretë me 42 pikë, aq sa Vllaznia një më poshtë. Pas ndeshjes, trajneri Edlir Tetova foli për Oversport.
Nisje e mirë, por Tirana ka 7 shpirtra? Kishim studiuar shumë mirë këtë pjesë. Kishim lënë lojtarët 1 kundër 1. Pastaj në fraksionin e dytë, në 15 minutat e para lamë pak terren… nuk e kuptoj pse. Morëm një gol sigurisht kur lojtari edhe mund të kishte bërë faull, mund të ishte ndëshkuar. Më vjen keq për djemtë. Te goli i dytë më mirë një i kuq sepse mund të rikuperonim dicka sesa ta linim të shënonte. U munduam, deri në fund, pa e arritur qëllimin. Jam i kënqaur me djemtë për atë që dhanë në fushën e lojës, për pjesën tjetër do të shohim në vazhdim.
Ne e kishim përgatitue që lotjarët e Tiranës duhet të markoheshin gjithë kohës. U treguam naiv në golin e parë të Abazajt, ishte një devijim dhe kjo është hera e tretë që pësojmë kështu. Lamë shumë hapsira pasi i kërkova lojtarëve të luanim lart. Kur ndeshja shkoi 2-1 nuk kishim gjë për të humbur.
Sot nuk ishte një ndeshje për t’u humbur por u zgjidh ndeshja nga episodet. Te 1-1 ishte një episod kundërsulmi dhe mund të merrnim një të kuq për të shmangur golin e pastaj të luanim me 1 lojtar mangut. Në pjesën e dytë kemi patur gjithë kohën në zotërim topin. Mbrojtja e Tiranës ka shumë merita pasi nuk na lanë shumë hapsira.
Është viti i parë dhe jam i kënaqur me skuadrën sepse po më përgjigjen. Te goli i parë i joni është një model i punës në stërvitje. Duhet të jemi gjithmonë të fokusuar në detyra. Kontrata e re nuk është një përgjegjësi më shumë, është një kontratë që bëra në fillim të sezonit. Klubi besoi te projekti që bëmë në fillim. Ky ekip është krijuar për 40 ditë. Besoj që në vazhdimësi do të jetë një Egnatia komplet ndryshe. Në intervistën time të parë kam thënë që e dua skuadrën në 5 më të mirat. Tani jemi në gjysmëfinale të Kupës, në kampionat janë edhe 7 finale, ne kemi forcën për të përballuar çdo kundërshtar.
Lexo gjithashtu
