Ditën e sotme rikthehen sërish emocionet e kompeticioneve europiane. Partizani do të presë në “Air Albania” Atletic Escaldes për të zhvilluar mes tyre edhe sfidën e kthimit në Conference League. Kjo përballje do të startojë në orën 20:45 me të kuqtë që falë fitores 1-0 në transfertë janë më të avantazhuar.
Skuadra ka mbyllur pasditen e djeshme edhe përgatitjet, teksa tashmë të gjithë sytë e sportdashësve do të jenë te kryeqytetasit, me Zoran Zekic që ndjehet i “detyruar” për të fituar dhe për të kualifikuar demat në turin tjetër të këtij kompeticioni.
Për këtë duel trajneri kroat nuk do të mund të llogarisë shërbimet e Alfredf Mensah, me këtë të fundit që pak ditë më parë është operuar, ndërsa pjesa tjetër do të jetë e gjitha nën urdhrat e tij.
Formacioni i mundshëm: Qirko; Hadroj – Sota – Kocijan – Atanaskoski; Murataj – Mehmeti – Rrapaj; Grezda (Da Silva) – Mba – Cara
Lexo gjithashtu
