Klubi i Korabit pas ngjitjes në Superligë nuk ka luajtur asnjë takim në shtëpi, kjo për shkak se fusha nuk i përmbush standartet e kërkuara.
Dibranët kanë udhëtuar këtë sezon pothuajse në çdo cep të Shqipërisë për të luajtur si skuadër pritëse.
Për ndeshjen kundër Tiranës e cila është e vlefshme për javën e 24-të të Superligës, dibranët tentuan të luajnë sërish në stadiumin "Niko Dovana" të Durrësit, por këta të fundit e kanë refuzuar kërkesën e tyre për shkak se nuk duan që t'iu dëmtohet fusha.
U fol se ndeshjen si pritëse Korabi ta luante në kryeqytet në stadiumin "Selman Stërmasi", por kjo gjë nuk u pranua nga drejtuesit pasi sipas tyre kjo nuk kishte kuptim.
Një mundësi e mirë do të ishte "Elbasan Arena", ku dibranët kanë luajtur edhe herë tjetër aty, por stadiumi është i zënë për shkak se Elbasani luan ndeshjen e radhës të vlefshme për Kategorinë e Parë dhe nëse do shtyhej për një ditë tjetër, kalendari do bëhej "çorap".
Si përfundim, takimi Korabi-Tirana u vendos luhet në Shkodër në stadiumin "Loro Boriçi". Kjo gjë u zyrtarizua pak më parë nga FSHF.
Mbetet enigmë se ku do e luajnë dibranët ndeshjen e radhës si pritëse pasi Komisioni i Licencimit nuk e ka miratuar akoma stadiumin e tyre.
Lexo gjithashtu
