Taulant Xhaka zbulon të vërtetën e tij mbi ndryshimin e kombëtares për të ardhmen e tij. I pyetur nga mediat, ai sqaron zërat dhe saktëson se për kë fanellë do të luajë. Normalisht, Xhaka pati përplasje gjatë ndeshjeve të Europianit me trajnerin Gianni De Biasi, por që situata duket se ka shkuar drejt normalitetit. “Nuk kam ndër mend të iki. Pse duhet ta them vazhdimisht këtë gjë sepse nuk më duket normale?!”
Taulant, a do të jesh pjesë e Kombëtares së Shqipërisë në eliminatoret e ardhshme?
Sigurisht që do të jem. Pse ma bëni shpeshherë këtë pyetje?
Sepse orët e fundit, pas largimit të Rashicës dhe Shalës, janë përhapur lajme se ju do të largoheni nga përfaqësuesja e Shqipërisë për të luajtur me Kosovën….
Dakord, por unë nuk jam i detyruar të përgjigjem sa herë që ndonjë portal apo ndonjë gazetar i papërgjegjshëm vendos të shkruajë sipas dëshirës. Më vjen keq që është përhapur ky lajm, por unë nuk kam marrë asnjë vendim së fundmi. Qëndrimi im është ai që kam pasur përherë.
Ne menduam se ishte e udhës që t’ju pyesnim. Kështu është më korrekte apo jo…?
Po, korrekte është, por thjesht habitem se përse duhet vazhdimisht të dalë ky lajm… Së fundmi është tepruar me këtë lloj qëndrimi dhe me kësi spekulimesh. Realisht nuk më vjen mirë për këtë.
Loading ...
Leave a Reply
You must be logged in to post a comment.