Bomberi i Tiranës, Taulant Seferi, është grumbulluar nga Kombëtarja e Shqipërisë për dy sfidat e UEFA Nations League. Seferi u shpreh se është i fokusuar vetëm te këto ndeshje dhe se për të ardhmen e tij, do të shikojë pasi të lërë grumbullimin e Kombëtares e të kthehet te Tirana.
Kombëtarja – “Në ndeshjet në mars Kombëtarja ka bërë shumë mirë. Synojmë vendin e parë në grup. Kemi një grup të fortë lojtarësh dhe jam besimplotë që do t’ia dalim.”
Titulli kampion – “Jam shumë i lumtur që u shpallëm kampionë, festa mbaroi atë ditë.”
Fokusimi – “Jam i fokusuar vetëm te Kombëtarja. Konkurrenca është e fortë, por unë kam ardhur këtu për të bërë maksimumin, trajneri vendos. Do të më pëlqente të fitoja besimin e trajnerit, nëse ai më jep minuta do të jem shumë i lumtur.”
SFIDA ndaj Islandës – “Islanda duhet vlerësuar dhe ne do të shkojmë për të marrë fitoren.”
E ARDHMJA – “Është herët për të folur jam vetëm i fokusuar te Kombëtarja, pastaj të shohim se çfarë do të ndodhë pas ndeshjeve me Shqipërinë.”
Sezoni – “Kam bërë një sezon shumë të mirë, isha golashënues, kam dalë dhe kampion. Kam për të dhënë edhe më shumë, sepse më parë kam pasur dhe problemin e dëmtimeve, tani e kam marrë veten dhe do të bëj edhe më shumë.”
RIVALITETI NË SULM – “Sulmuesit që ka marrë trajneri janë më të mirët. Me çdo lojtar që do kem në ndeshje do të ndihem mirë sepse jemi të gjithë profesionistë”, përfundoi Seferi.
Loading ...
