Drejtori teknik i Lazios, Igli Tare ka folur mbrëmë për çështjen e Milinkoviç-Saviç. Mesfushori që së shpejti mbush 28 vjeç, i skadon kontrata në qershor 2024. Prej kohësh është përfolur për një largim të tij nga Serie A, konkretisht drejt Premier League.
Atje është kërkuar me ngulm nga Manchester United. Por në klubin e Lazios janë të bindur që Milinkoviç-Saviç do të vazhdojë karrierën e tij me fanellën bardhekaltër. I pyetur nga mediat, Tare u duk i sigurtë për të ardhmen e serbit.
“Gjithçka do të zgjidhet në momentin e duhur. E di se si qëndrojnë gjërat dhe jam i qetë. Unë nuk vazhdoj me “nëse” apo me “por”. Gjithmonë jam i sigurtë”.
I pyetur edhe për huazimin e Pellegrini nga Juventus, Tare u shpreh se: “Ishte një domosdoshmëri e shprehur nga trajneri dhe arritëm të sjellim një djalosh që mbi të gjitha i do këto ngjyra”.
Lexo gjithashtu
