Eleminimi nga Kupat e Europës, sigurisht ka një faturë të madhe financiare për Tiranën. Menjëherë pas humbjes 3-2 kundër Zrinjskit në Bosnje, presidenti Refik Halili ka pasur një takim me trajnerin Orges Shehi. Ka qenë ky i fundit që ka dashur të diskutojë me kreun e klubit bardheblu duke vënë në diskutim edhe të ardhmen e tij.
Pas disa orësh bisedime me njëri-tjetrin në ambientet e hotelit ku Tirana qëndroi e akomoduar, është vendosur që durrsaku të vijojë të mbajë “çelësat” e skuadrës. Edhe pse Shehi ka qenë skeptik, mësohet se presidenti Halili e ka bindur duke i besuar sërish skuadrën për vazhdimësinë.
Klima në klub s’është aspak pozitive pas eleminimit nga Europa. Barra e madhe financiare ka kushtëzuar edhe merkaton që tashmë drejutesit mund të ndërhyjnë me pikatore. E rëndësishme dhe fakt mbetet se në krye të skuadrës do të qëndrojë trajneri kampion, Orges Shehi.
