Në darkën që UEFA shtroi për ekipet e kualifikuara për Euro 2016, ku morën pjesë kryetarët e federatave pjesëmarrëse, si i ftuar special i sekretarit të përgjithshëm të UEFA-s z. Theodor Theodoridis, ishte edhe kryetari i FFK-së, Fadil Vokrri. Ai mësohet të ketë shfrytëzuar rastin që të falënderojë shumë kryetarë federatash europiane që i dhanë mundësinë FFK-së të bëhet anëtare e UEFA-s. Gjatë këtij takimi, Kosova ka mësuar për pjesëmarrjen në grupin I, grup i vlefshëm për kualifikueset e kampionatit botëror 2018. Hapat me të cilat po ecën shteti më i ri në Europë janë vërtetë për tu përshëndetur. Gjithashtu, kreu i futbollit kosovar ka takuar dhe presidentin e Federatës Shqiptare të Futbollit me të cilin në fund ka pozuar dhe pranë trofeut “Euro 2016”.
Lexo gjithashtu
