Jo vetëm “Abissnet Superiore”, por edhe Kategoria e Parë do të luajë ndeshjet e saj ditën e sotme. Në program janë 5 ndeshje, ku 10 ekipet që do të zbresin në fushë do të synojnë rezultat pozitiv.
Të gjithë takimet do të luhen në të njëtën orë, 14:00. Bylisi do të presë Lushnjen. Ballshiotët vijnë si kryesues të kampionati dhe ndaj lushnjarëve synojnë të blindojnë vendin e parë. Ndërkohë edhe Apolonia do të tentojë një rezultat pozitiv në transfertë ndaj Luzit. Fierakët ndodhen në vendin e 4-të dhe një fitore do t’i ngjiste në vendin dytë.
Kastrioti – Vora është një tjetër duel interesant. Krutanët kanë detyrim fitoren në shtëpi, teksa përballë kanë djemtë e Artan Mërgjyshit, të cilët tentojnë rikthimin te 3 pikët. Korabi pret në shtëpi Burrelin, me ekipin nga Peshkopia që dëshiron të mbajë hapin e kreut.
Ndërkohë sfida e fundit do të jetë mes Tomorit dhe Besës. Beratasit luajnë në shtëpi dhe kanë mundësinë që të ngjiten në klasifikim, ndërsa kavajasit synojnë fitoren për t’iu larguar zonës së rënies.
[caption id="attachment_710059" align="alignnone" width="673"]
Ndeshjet e dites ne Kategorine e Pare[/caption]
Lexo gjithashtu
