Sulmuesin e kërkon Tirana dhe Partizani, presidenti do 20 mije euro

Gjatë merkatos së verës sulmuesit në Shqipëri kanë zënë vend, disa prej kontratave afatgjata e disa të tjerë janë “markuar” që në fillim nga skuadrat që kanë pasur këto synime. Ndërsa ka të tjerë që janë të lirë në treg, por edhe nga ata që do të aktivizohen në Kategorinë e Parë për shkak se janë nën kontratë dhe nuk mund të lëvizen.

Ardit Hoxhaj kur i shënonte Partizanit

Këtu do të njihemi me rastin e Ardit Hoxhaj, sulmuesit 22-vjeçar që ndodhet në radhët e Bylisit. Kontrata e tij përfundon në fund të sezonit 2016-2017, ndërsa është i denjë për Superioren.

Ofertat për të kanë mbërritur nga Tirana dhe Partizani në radhët e drejtuesve ballshiotë, të cilët kërkojnë 20 mijë euro që ta lënë të lirë. Skuadra që do të paguajë do të marrë shërbimet e vlonjatit, i cili sezonin e shkuar shënoi 7 gola në Superiore, duke qenë golashënuesi më i mirë i ballshiotëve.