Paraqitja e mrekullueshme e Tiranës nën urdhrat e trajnerit Emanuel Egbo ka rënë në sytë e gjithë europianëve. 9 pikë para Kukësit të vendit të dytë dhe rruga drejt titullit më e shtruar se kurrë, kanë bërë që nigeriani të vendoset në kushte komodse.
Së fundmi, suksesi i tij në krye të pankinës bardheblu ka shkuar deri në Gjermani. Është një faqe gjermae në rrjetin social facebook “Albanische Nationalmannschaft”, që promovon trajnerin e 24 herë kampionëve.
“Egbo, njeriu i orës së Tiranës”, shkruhet në titullin e saj ndërsa vijon: “Me Emanuel Egbo, një ikonë absolute e klubit të Tiranës pushtoi kryeqytetin”. Më pas bën një rezyme të shkurtër të 46-vjeçarit për karrierën si portier: “Nigeriani luajti nga 2001 – 2004. Ai dha fund karrierës pas katër vitesh me Bylisin në verën e vitit 2012. Egbo ka mbajtur rolin e trajnerit të portierëve që nga 2015-ta dhe shpesh herë ka hyrë në skuadër si një trajner i përkohshëm të Bylis”, shton më tej ky artikull.
Në fund përshkruan aventurën e Egbo-së në krye të Tiranës: “Pas marrjes së rolit të trajnerit në dimër, Egbo fitoi 10 nga 11 ndeshje dhe deri më tani është i pamposhtur. E mori skuadrën në vendin e katërt duke e çuar në të parin si dhe mposhti Partizanin në derbi 5-1. Egbo është një qytetar i Shqipërisë dhe flet shqiptar mjaft mirë. Një histori suksesi”, thuhet në artikullin gjerman. /Newsport.al/
Lexo gjithashtu
