Armando Cungu ka lënë pas një javë të trazuar, dhe pas konfirmimit të presidentit Safet Gjiçi për të vijuar në stolin e Kukësit, do të tentojë ta përligj besimin e numrit 1 të klubit edhe në fushën e lojës përballë Kamzës.
Verilindorët do të luajnë ditën e sotme në "Elbasan Arena" ndaj skuadrës kamzalie, e cila sapo ka ulur në stol një trajner të ri si Gentian Stojku. Një situatë që mund t'i japë atë spunton e munguar skuadrës nga periferia e kryeqytetit, por duke parë "urinë" e Kukësit për tu rikthyer te fitorja, misioni bëhet i vështirë.
E për të arritur te 3 pikëshi, Cungu ka vendosur që të hedh në fushë një formacion mjaft të kujdesshëm, ku forca në sulm do të jetë e frikshme. 15 gola do të udhëheqin sulmin e verilindorëve, me Cungun që pritet t'i besojë dyshes Reginaldo (8)-Shkurtaj (7) majën e sulmit. Edhe mesfusha pritet të jetë e ekuilibruar, me Ethemi e Çyrbja që do mbështesin dyshen e qendrës Limaj-Dzaria.Mbrojtja pritet të formohet nga Maliqi-Teqja-Rrumbullaku e Krasniqi. Në portë si gjithmonë Frashëri.
Nga ana tjetër Stojku pritet të përgjigjet me:
Avdyli-Bonami-Beqiri-Qaqi-Shala-Arrabal-Malaj-Rezi-Plaku-Fukui-Martinena
Lexo gjithashtu
