Situata e vështirë e Komitetit Olimpik Kombëtar Shqiptar, ka nxitur të gjitha Federatat kombëtare që të mblidhen për të diskutuar daljen nga kriza. Qysh prej mëngjesit të sotëm, në ambientet e "Tirana International" po zhvillohet Asambleja e Jashtëzakonshme, ku vijojnë diskutimet mes të pranishmëve. Presidenti i KOKSH, Viron Bezhani dhe sekretari Stavri Bello kanë muaj që akuzojnë njëri-tjetrin për parregullsi, duke bërë që të ndërhyjë edhe organizmi Olimpik Europian.
Kjo Asamble vjen si mundësi zgjidhje për ngërçin, teksa merr pjesë edhe Armand Duka që ështën president i Federatës Shqiptare të Futbollit. Duka ka bërë me dije se është pro zgjidhjes, andaj në këtë takim po diskutohen mënyrat e daljes nga ngërçi.
Rendi i ditës parasheh "Zgjidhjen e situatës", por ky term ka shkaktuar debate për mënyrën e degradimit të situatës. Sot pritet të caktohet data e një tjetër Asambleje, ku do të votohen ndryshimet statutore me shpresën e shmangies së këtyre situatave. Disa ditë më parë, federatat më të rëndësishme në vend patën një takim ku unifikuan qëndrimet, dukem kërkuar largimin e protagonistëve që solli në këtë ngërç.
Sekretari Stavri Bello ka parqitur dorëheqjen gjatë fjalës së tij, me anëtarët e Asamblesë që kanë kërkuar të njëjtën gjë edhe për presidentin e KOKSH Viron Bezhani. Ende është duke u diskutuar me tone të larta se si do të zgjidhet çështja, duke u kërkuar që të votohen propozimet konkrete për zgjidhje. "Jap dorëheqje dhe ftoj që edhe presidenti të bëj të njëjtën gjë", u shpreh Bello.
Lexo gjithashtu
