Prej vitesh Vllaznia njihet si një nga akademitë më të suksseshme në futbollin shqiptar. Klubi shkodran ka nxjerrë lojtarë me emër, të cilët kanë kontribuar shumë në futbollin tonë.
E së fundmi, dy emra të rinj kanë dalë në “qarkullim”. Vëllezërit binjakë, Sokol dhe Simon Uldedaj janë larguar nga Shkodra ku aktivizoheshin me ekipin e Vllaznisë U19 dhe kanë udhëtuar drejt Kroacisë.
Pikërisht në Kroaci, Sokoli që luan si sulmues dhe Simoni mbrojtës i krahut të djathtë, kanë nisur stërvitjen me Dinamon e Zagrebit. Tek klubi gjigant kroat, dy vëllezërit 17-vjeçarë janë në provë.
Në rast se do të bindin stafit dhe drejtuesit e klubit nga Zagrebi, do të kishim një transferim të menjëhershëm të tyrin në futbollin kroat. Pritet të shihet se çfarë do të ndodhë me binjakët shkodranë.
