Botërori i Katarit po rezulton në një sukses të jashtëzakonshëm pavarësisht polemikave dhe interesi është shumë i madh për të ndjekur ndeshjet. Deri më tani, çdo stadium ka qenë i stërmbushur madje duke kaluar paks limitet e ndenjësve të stadiumeve. Duke marrë shkas nga ky fakt, faqja zyrtare e FIFA-s ka njoftuar publikun për kapacitetin maksimal zyrtarë të tetë impianteve ku do të zhvillohet evenimenti. Deri tani, shifrat kanë qenë të rrumbullakosura por FIFA për të mos krijuar konfuzion, njofton ekzaktësisht numrin maksimal që lejohet të futet në stadium. Vendin e parë e mban sigurisht, stadiumi i finales, Lusail, i cili kap shifrën e 88 mijë e 966 vendeve për t’u ndjekur më pas nga stadiumi i ceremonisë hapëse “Al Bayt” me 68.895 vende. Gjashtë stadiumet e tjera rrotullohen rreth shifrës së 44 mijë ulëseve.

Check here the FIFA World Cup Qatar 2022 official stadium capacity ⬇️ pic.twitter.com/vUYBTDRmyj

— FIFA Media (@fifamedia) November 21, 2022