Edhe pak ditë na ndajnë nga fillimi i Europiani “Gjermani 2024”. Një kompeticion të cilin do ta ndjekin me shumë kënaqësi edhe shqiptarët, pasi më datë 15 qershor, Kombëtarja kuqezi do të përballet me Italinë.
Në prag të kësaj sfide, sigurisht nuk mund të mungonte edhe thirrja e tifogrupit ultras, “Tifozat Kuq e Zi”. Si çdo herë që luan Kombëtarja, edhe në kë rast TKZ-ja do të jetë prezente në Gjermani, për të përkrahur nga afër kuqezinjtë e Sylvinhos.
Por jo vetëm kaq, pasi tifogrupi ka edhe një mesazh të rëndësishëm. Tifozat Kuq e Zi u kërkojnë shqiptarëve që në shtëpitë e tyre të vendosin flamurin kombëtar. Në shtëpi, ballkone, apo makina, çdo gjë të jetë e stolisur kuqezi.
TKZ-ja nis e para kështu një fushatë mbështetëse në prag të Euro 2024. Jo të gjithë do të jenë prezent në stadium, prandaj Tifozat Kuq e Zi marrin këtë nismë për të ngrohur atmosferën në prag të ndeshjes së Kombëtares përballë Italisë.
POSTIMI I TIFOZAVE KUQ E ZI:
Çdo shtëpi, një Flamur!
Përkrahe Kombëtaren në EURO 2024, duke stolisur shtëpinë, aprartamentin, ballkonin, veturat, duke u veshur e duke i dhënë mbështetjen maksimale përfaqësimit të shqiptarëve në këtë ngjarje të madhe sportive.
Vendos një Flamur, si identitet, si shenjë përfaqësuese e përbashkuese, për të treguar dashurinë e madhe për Kombëtaren, për emocionet që na ka dhënë e na jep, si dhe për të lartësuar e nderuar emrin e madh e të shenjtë Shqipni!
Dikush nga stadiumi, e miliona nga televizioni, të nisim një fushatë mbështetësë duke e ngrohur atmosferën në prag të fillimit të EURO 2024. Forca Shqipëri!
View this post on Instagram
Lexo gjithashtu
