Një lajm i hidhur vjen për sportin shqiptar teksa Osman Mema është ndarë nga jeta ditën e sotme në moshën 86-vjeçare, por pas tij lë një trashëgimi të madhe për futbollin shqiptar. Osmani është anëtar i dinastisë Mema, familja legjendare e futbollit tiranas.
Osman Mema mban edhe rekordin në futbollin shqiptar si futbollisti më i dekoruar me plot 8 tituj kampion duke luajtur me Tiranën e Partizanin. Ai ishte vlerësuar edhe me titullin e lartë “Mjeshtër i Madh” pak vite më parë.
Një futbollist i shkëlqyer e mbi të gjitha një njeri plot personalitet e dinjitët me vlera sportive e qytetare ndahet nga jeta, por pas lë kujtimin e tij i cili nuk do të harrohet kurrë.
Redaksia e Newsport.al i shpreh ngushëllimet familjes, të afërmve, miqve të tij dhe gjithë futbollit shqiptar për këtë humbje.
Lexo gjithashtu
