Dje, Partizani luajti kundër Pogradecit, ndeshje e vlefshme si miqësore që përfundoi me shifrat 3-0 në favor të të kuqve. Kryeqytetasit bënë një paraqitje relativisht të mirë. Por, në fushë jo gjithçka ka shkuar paralel me rezultatin. Siç raporton shtypi i shkruar, Theophilus Solomon është kapur me shokët e skuadrës.
Kaq ka mjaftuar dhe menjëherë ka ndërhyrë trajneri Ilir Daja. 53-vjeçari “pa një, pa dy” ka urdhëruar zëvendësimin e lojtarit duke e çuar menjëherë në pankinë. Kjo ka sjellë irritimin e mëtejshëm të tij, i cili është zënë dhe me tifozët që ishin të pranishëm duke ndjekur nga pranë takimin. Si të mos mjaftonte bllokimi i merkatos, tashmë në kampin e kuq Ilir Dajës i duhet të bëjë ndoshta dhe pa futbollistë për shkak të karakterit të vështirë të tyre.
Loading ...
