Ditën e djeshme u luajtën edhe dy sfidat e fundit të javës së 23-të të Abissnet Superiore. Kampionati është bërë shumë interesant dhe i bukur pas kësaj jave. Skuadrat e kreut bënë “vetëvrasje”, ndërsa japin shenja “jete” skuadrat e fundit në renditje.
Humbja e Tiranës ndaj Teutës, e Partizanit ndaj Kukësit dhe e Vllaznisë ndaj Kastriotit tregon se vërtet diferencat në këtë kampionat janë shumë të vogla. Djemtë e Edi Martinit morën një fitore spektakolare në “Air Albania” teksa triumfuan 2-0 ndaj kampionëve me 10 lojtarë. Një fitore që i ngjit në vendin e 6-të me 31-pikë, 4 më pak se Vllaznia e vendit të tretë. Tirana, Partizani dhe Vllaznia kanë përkatësisht 40, 37 dhe 35 pikë.
Gjithashtu fitore të rëndësishme mori dhe Egnatia ndaj Bylisit. Rrogozhinasit fituan 3-2 ndaj ballshiotëve të cilët mbetën me 10 lojtarë. Ekipi i Edlir Tetovës është një rrezik konstant për Mirel Josën, pasi kanë 1 pikë më pak se shkodranët. Ndërkohë skuadra nga Mallakastra mban vendin e parafundit me 26 pikë.
Erzeni dhe Laçi nuk shkuan më shumë se barazimi 1-1 mes tyre në “NikoDovana”. Shijakasit janë të 5-të në renditje me 32 pikë, ndërsa kurbinasit në vendin e 7-të me 30 pikë.
Kukësi koleksionoi një fitore të madhe ndaj Partizanit në “Kukës Arena”. Goli i Gjelbrim Taipit do të kishte vlerë 3 pikëshi. Pas kësaj jave verilindorët e shikojnë vetën në vendin e 8-të me 28 pikë.
Kastrioti me Emiliano Çelën në stol ka nisur të japë shenja “jete”. Krutanët fituan në “Loro Boriçi” ndaj Vllaznisë dhe tashmë shkojnë në kuotën e 23 pikëve.
Kjo javë foli në favorin e ekipeve të “vogla”, teksa java e 24-të na rezervon derbin e kryeqytetit, takim që vendos shumë për fatet e titullit.
RENDITJA pas javës 23-të:
[caption id="attachment_682097" align="alignnone" width="300"]
Renditja e skuadrave pas javes se 23-te[/caption]
Lexo gjithashtu
