Mauro Icardi është bashkuar përsëri me skuadrën, por kjo gjë duket se nuk i ka pëlqyer aspak tifozëve të Interit. Me anë të një komunikate zyrtare, tifozët bëjnë një thirrje që Mauro Icardi të largohet nga skuadra, pasi askush nuk mund të jetë mbi Interin.
Me praninë e argjentinasit në skuadër, rrezikohet edhe kualifikimi për në fazën e grupeve të Champions League për në sezonin e ardhshëm.
Reagimi i tifozëve të Interit:
"Përpara me interistët, Icardi jashtë. Pas një mbledhje të gjithë tifogrupeve, vendosëm që sjellja e Mauro Icardit të mos tolerohet më. "Curva Nord" beson se Icardi ka treguar se nuk posedon karakterin e nevojshëm jo vetëm për të marrë një shiritin e kapitenit, por edhe për të ndërtuar të ardhme tek Interi. Me këtë deklaratë ne, pra, ftojmë kompaninë Inter që të ndërmarrë hapat e nevojshëm sa më shpejt që të jetë e mundur për ta larguar atë, pasi është në rrezik edhe pjesa e mbetur e sezonit, për të arritur objektivat. Fakti që Icardi është pjesë e skuadrës, vë në rrezik edhe mospjesëmarrjen e skuadrës në fazën e grupeve të Champions League në sezonin e ardhshëm. Për ne vlera e ekipit duhet të vijë para personaliteteve dhe protagonistëve të medias, prandaj ne themi se Icardi nuk është më pjesë e Interit që tani e tutje", shkruajnë tifozët.
Lexo gjithashtu
