Skënderbeun e mbron në KAS …Antonio Konte

Klubi kampion i Shqipërisë, Skënderbeu, ka marrë 3 avokatë italianë nga më të mirët për t’u mbrojtur në KAS pas disa ditësh. Kryesori është avokati Antonio Konte, ndërsa dy të tjerët janë Kamilo Mineo dhe Gabriele Zukereti. I pari, Antonio Konte, por jo trajneri i Italisë, është shumë i njohur në Romë. Eshtë një nga avokatët më të kualifikuar dhe në poste drejtuese prej shumë vitesh të Gjykatës së Qarkut Civil të Romës dhe të Urdhrit të Avokatëve të Romës. Po ashtu, ai është avokat personal i kapitenit të Romës, Françesko Totit, si dhe i skuadrës së Romës. Në të kaluarën ka mbrojtur disa çështje të klubit të madh anglez, Mançester Junajtid, kështu që Skënderbeu është në duar të sigurta. Më 6 korrik, avokatët italianë do të bëjnë mbrojtjen e klubit korçar në Gjykatën e Arbitrazhit Sportiv.