Skuadra e Skëndërbeut do t’i vazhdojë përgatitjet në Korçë për sfidën e së hënës përballë Tërbunit. Korçarët kanë lënë qytetin e Durrësit atty ku po qëndronin pas eleminimit nga Kupa përballë Eganatias. Eleminimi nga Kupa ka lënë një shije të hidhur për ekipin e Gvozdenoviç.
Por tekniku ka parë anën pozitive të eleminimit, pasi shumë lojtarë të rinj kanë dhënë sinjale pozitive në ndeshjen e së enjtes. Tani “ujqërit e dëborës” do kenë synimin e vetëm rikthimin në Superiore.
Ata renditen në vendin e tretë me 23 pikë, 1 pikë më pak se Korabi i vendit të dytë dhe 3 pikë më pak se Dinamo e vendit të parë. Përballë Tërbunit trajneri serb mund të përdori disa prej elementeve te rinj që treguan formë të mirë në Kupë.
Gjithashtu edhe lojtarët që janë bashkuar gjatë janarit janë një vlerë e shtuar për ekipin dhe rrisin alternativat në skuadër.
