Skënderbeu pret Vllazninë në Korçë, pesë mungesa të sigurta për kampionët

Skënderbeu do të luajë nesër kundër Vllaznisë në kuadër të javës së 32-të të Superiores. Kampionët e Shqipërisë në këtë takim do të kërkojnë fitoren për t’iu mos shkëputur kryesuesve, Kukësit dhe Partizanit. Por, edhe Vllaznia do të tentojë të njëjtën gjë për të arritur objektivin, Kupat e Europës.

Të dy skuadrat kanë zhvilluar përgatitjet nën drejtimin e trajnerëve respektivë. Në kampin korçar situata nuk duket e mirë, pasi në këtë përballje ekipi i Ilir Dajës do të vijë me pesë mungesa të sigurta. Lilaj dhe Abazi e kanë mbyllur sezonin, ndërsa Orelesi dhe Xhejms janë të pezulluar për shkak kartonësh. Në dyshim është Nimaga i cili vijon të ketë probleme fizike dhe me shumë mundësi as ai s’do të jetë në fushë.

Ky takim është përcaktuar të zhvillohet në orën 19:00, në stadiumin “Skënderbeu” të Korçës.