Superiorja ka ulur siparin për dy fazat e para dhe tashmë skuadrat kanë nisur të mendojnë për merkaton e dimrit. Lajmi më i bujshëm është afrimi i trajnerit Ilir Daja në krye të kampionëve të Shqipërisë. Newsport.al zbuloi ekskluzivisht që tekniku italian Andrea Agostineli ishte shkarkuar, ndërkohë që Daja do ta zëvendësonte 59-vjeçarin.
E veçanta qëndron që presidenti, Ardjan Takaj duket të jetë i fiksuar me ish trajnerët e skuadrave të kryeqytetit. Në gusht të 2012-tës drejtuesit e Skënderbeut emëruan trajner të ekipit, Mirel Josën, i cili më parë kishte drejtuar Tiranën. Më pas në maj të 2016-tës, Josa u largua nga kampionët dhe vendin e tij e zuri, një tjetër trajner i kryeqytetit, Andrea Agostineli, i cili kishte drejtuar Partizanin. Së fundmi, italiani është larguar dhe vendin e tij do ta zërë, Ilir Daja. Ky i fundit e nisi këtë sezon si “timonieri” i bardhebluve, por më pas u largua.
Siç duket Ardjan Takaj është i fiksuar me trajnerët e kryeqytetasve, si të Tiranës, ashtu dhe të Partizanit.
Loading ...
