Skënderbeu kërkon “goditjen” e madhe, ofertë ish-sulmuesit të Belgjikës, vjen përgjigjja nga lojtari

Skënderbeu i bën ofertë Marvin Ogunjimi, sulmuesit 29-vjeçar, i cili në të kaluarën ka qenë pjesë e kombëtares së Belgjikës.

Aktualisht ai është një futbollist i lirë dhe korçarët i kanë parashtruar ofertën e tyre, por Ogunjimi e ka refuzuar.

Një “pistë” e mbyllur, por që tregon se Skënderbeu tani kërkon “goditjen” e madhe për repartin e sulmit dhe fakti që ka menduar t’i bëjë ofertë një sulmuesi që në të shkuarën ka luajtur me Genkun në Belgjikën, Majorkën në Spanjë dhe me disa skuadra të tjera në Europë, tregon se kampionët e Superligës duan ta mbyllin këtë merkato dimri me një super afrim.