Katar 2022
I ftuar dje në emisionin “Fair Play” që drejtohet nga moderatorja Enkeleda Zeko në “News 24”, presidenti i FSHF-së, Armand Duka foli edhe për Superligën.
Ai u ndal edhe te “sulmet” e presidentëve të klubeve ndaj gjyqtarëve, konkretisht te presidenti Takaj që akuzoi Lorenc Jeminin si të korruptuar pas humbjes 2-0 ndaj Kukësit.
“Takaj ishte i rebeluari i radhës ndaj gjyqtarëve. Presidenti i Skënderbeut u fokusua te arbitrat duke e kërkuar tek ata, të keqen pas humbjes ndaj Kukësit.
Prandaj humbi ndaj Partizanit. Nuk i bëri lojtarët që të kuptojnë rëndësinë e ndeshjes së radhës. Një president klubi që merret me gjyqtarin dhe jo me sulmuesit që humbasin 10-11 raste për shënim!”, tha Duka në “Fair Play”.
