Si të mos mjaftonin problemet në fushë dhe rezultatet negative të skuadrës, tashmë Partizani duhet të zgjidhë mosmarrëveshjet edhe me lojtarët e tij. Esat Mala është një emër shumë i dëgjuar këtë sezon tek të kuqtë. 21-vjeçari u la në stol për 3 muaj pikërisht se nuk pranoi të nënshkruajë kontratën.
Së fundmi ka zhvillime të reja sërish në kampin e kuq. Mësohet se Esat Mala ka kërkuar largimin në Federatën Shqiptare të Futbollit. Ai është nën kontratë me kampionët deri në 30 qershor dhe më pas del lojtar i lirë. Pikërisht nga institucioni i futbollit në vend, ai ka kërkuar një vërtetim që pas kësaj date nuk ka asnjë lloj marrëveshje kontraktuale me kryeqytetasit.
Pas rikthimit të tij në fushë u duk se pati paqet me drejtuesit, por kjo kërkesë e radhës tregon krejtësisht të kundërtën. Siç shihet dëshira e lojtarit është të mos qëndrojë tek të kuqtë dhe tashmë pritet të mësohet se cila do të jetë e ardhmja e tij.
Lexo gjithashtu
