Një ditë më parë, menaxheri i sulmuesit Cufre Ebong denoncoi për newsport.al mashtrimin që klubi i Kukësit ka bërë me lojtarin. Ai ka përcjellë gjithashtu edhe kontratën që klubi i ka propozuar futbollistit, kontratë të cilën ai ka refuzuar ta firmosi.
“Emri im është Frederick Akpaidem dhe jam menaxher i drejtpërdrejtë i Kufre Ebong. Z. Causo Seidi është partneri im lidhur me lojtarin Kufre për të shkuar në FK Kukësit. Nëse doni të dini të vërtetën, mund t’ju bëj me dije se Z. Naim po e manipulon atë në dëm të lojtarit. Ata kanë falsifikuar një letër për të sjellë atje Kufren dhe nuk kanë paguar 5 mijë dollarë të premtuara. Naimi ka manipuluar biletat e Kufres për të patur më pas mundësinë që ta ndëshkoj atë me 1 mijë dollarë dhe ta përdori. Unë jam i gatshëm t’ju tregoj më shumë nga kjo çështje që do shkoj në gjyq”, denoncoi dje për newsport.al përfaqësuesi i sulmuesit Cufre Ebong.
Sot ai ka shkruar të tjera sqarime dhe ka përcjellë edhe marrëveshjen që Kukësi i ka propozuar lojtarit, marrëveshje të cilën ai nuk e ka firmosur.
“Kufre Ebong ka akoma një kontratë me Kukësin. I kërkova drejtuesve të Kukësit të më jepnin me shkrim arsyet pse donin të prishnin marëveshjen, ata refuzuan. I dhanë Kufres një marrëveshje për të zyrtarizuar divorcin, të cilin ai e ka refuzuar. Kufre është dëmtuar gjatë kohës që stërvitej me Kukësin. Ai nuk ka qenë i dëmtuar më parë. Nëse do të ishte i dëmtuar si mund të luante në ndeshjen e kupës. Këtë i ofruan por sulmuesi nuk pranoi”, ka zbuluar sot menaxheri i sulmuesit Kufre Ebong.
Naim Halili dhe Cufre Ebong
Loading ...
